Elogio a'n amigo
O l'è lungo, o l'è düo,o l'è tosto,
o l'è bön se piggiöu in quello posto
s'o l'è appena-a sciörtio d'in te balle
(ma attenziön ch'ö no l'agge e farfalle).
O sta ben cön e sò due oîve
(se no sön tanto passe ma vive)
E magnificamente o s'adatta
S'o ven misso vixin ä patatta.
Ma bezêugna ûn pö mettilo a bagno
(fin-a'n föndo, ch'o segge ben stagno)
Se capisce ch'o ven fêua mollo,
specialmente in t'a zona d'o collo.
Ciò nö toglie ch'o piaxe'n pô a tutte:
zôene, vegie, ciù belle o ciù brûtte.
A spösinn-a a nö piggia mâi ingïo
quande a casa ghe o porta o maïo,
pe-a zitella böccön o l'è ghiotto
(anche mollo o ûn pö barzanotto)
e scibben ch'a mugugne pe-a spûssa,
anche a nonna sdentâ ûn pö a se-o sûssa.
Me ricordo ancön quande mâe poâe
ö metteiva in tê man a mâe moâe
ritornando da-o porto in sciö tardi:
lê a-o trattava con tûtti i riguardi.
E dixindoghe: -bello o mâe ragno!-
a-o metteiva lì, sûbito a bagno.
E ä mattinn-a che l'ea ancon scûo
A l'ammiava s'o l'ea ancon dûo,
e a ghe dïva: -ti o lasci ancön drento?-
e mâe poâe: -Mi saieiva contento,
ma n'oriâe ch'o m'andesse in maloa,
te ghe-o lascio, ma solo pe'n'oua.
E mâa seû? Me sövven comme vei,
no gh'ea verso de fäghelöu piaxei,
a no-o pôeiva manco töccâ
: -Son segûa che a mi o me fà mâ!
Finn-a quande a s'è feta o galante
(ûn portuale lè asci, carenante)
ch'o l'aveiva bello grosso e gûstoso
e o ghe l'ha regalou d'arescôso.
E chissa, forse pe-a qualitâe
differente da quella d'o poâe,
o magara pe o semplice fâeto
ch'o l'ea quello che lè o gh'aiva dâeto,
o soltanto pe fâlo contento ...
fâeto stà che da quello momento
a figgeûa a s'è decisa a assazzâlo,
continuando poi sempre a piggialo!
Anche mi da piccin me credeivo
ch'o dovesse fa mâ e no ne voeivo,
ma'na votta ch'aveivo dovüo
assazzane ûn tocchetto ho vosciûo...
Li pe li o m'ha dâeto disgusto,
poi però gh'o sentîo ûn certo gûsto
e da alôa devo dî ch'ö gradiscio...
(a pröpoxito, o l'è o STOCCHEFISCIO!)
martedì 17 luglio 2007
Baxaicò
Baxaicò
di Italo Mario Angeloni
Baxaicò che o s'allevafra e parme e fra i limoin,a-o vento de terrassein sce-e prie di barcoïn,che in te na feuggia sola,comme in te 'na bandëao spampaggia o profummode Zena e da Rivëache in Australia, in te Mericheda un tondo ben condïoo te parla da patriaco-o sò gusto savoïo ...
Pubblicato da unpizzicodisale alle 23:14 0 granidisale
Etichette: ricette genovesi
i ravieu
Riçetta pe fa i ravieu
di Martin Piaggio
Reçipe ûn bello pezzo de vitellaDa mette a rosto per fä un bon tocchetto;Reçipe da tettinn-a, ûnn-a cervella,Laccetti, poca môula e assae de fietto;Reçipe da boraxa fresca e bella,Coccoin de pollo freschi, ûn retaggettoDe 'sässissa da amixi, e ûn pö de quellaPriscinsêua de Paiscion passä a-o siassetto.
Misce et remisce ben ciù che ti peûOmnia confusin drento in to mortâ,Et extende de pasta ûn gran lensêu,Fanne de ballettinn-e cö cuggiâ,Applica, crêuvi, taggia, son RaviêuDa chêuxe et tamquam pilloe da collâ.
Pubblicato da unpizzicodisale alle 23:13 0 granidisale
Etichette: ricette genovesi
O pesto
O pesto
di Edoardo Firpo
E intanto che a Cattaen a sta impastandope preparä i cornetti, o Pippo lesto,con un euggiâ in gio de quando in quando,con grande impegno o preparava o pesto.
- Oh biato profummin de baxaico!
o dixeiva passando unna gambettasott'ao naso ai amixi e poi ao socomm'o fosse unna gamba de viovetta.
- Oh biato profummin de baxaico!
ti m'aregordi l'aia ponçevinn-aSan Chigo, San Ceprian, Serarico,e a vista un po' lontann-a da marinn-a.
E o dixeiva, frattanto che i pigneuoi pestava co-e noxe in tò mortâ:- Andavimo pe pigne da figgeu,e sentivimo o vento sciù in ti pin ...
Te vegne in cheu? ... te vegne in cheu Cattaen?
Ti te metteivi e sexe pe pendin ...
Pubblicato da unpizzicodisale alle 23:12 0 granidisale
Etichette: ricette genovesi
lunedì 16 luglio 2007
A fugassa
A fugassa
di Vito Elio Petrucci
Mi son sentimentale finn-a in fondoe fasso l'ojo comme a papé de strassa;son innamuou de Zena, ciù do mondo,ma ho un ballin in ta testa: o l'é a fugassa.
"E' più forte di me", mi me-o confesso!
Scioa, co-o crocco e co-a sà a man bassa ...l'oexin ben vunto, o mezo bello spesso.
O mae Micché a l'é lé: Santa Fugassa.
O mà o m'incanta, o segge bollezumme,faet de moixi o ciatto pe-a bonassa;anche se a votte o sà de refrescumme(a spussa dell'erzillio), ma a fugassa!
"Il grattacielo? è bello da vedere";e De Ferrari? 'na gran bella ciassa;Suaja, Cannetto, Righi, Belvedere ...(a spussa dell'erzillio), ma a fugassa!
Me l'asseunno de neutte e poi m'adescioche perdo e bave comme 'na lumassa.
Chi ha coraggio me digghe che son nescio,mi ghe diggo de scì ... e tetto fugassa.
"E vi dirò di più, fo paragoni"con l'amigo do tacco ch'o strombassa,quello ch'o fa le pizza e i cannelloni.
Duxento pizze no fan 'na fugassa.
E se diggo fugassa e diggo tutte,no fasso distinsion tra magra e grassa,co-o formaggio, co-a çioula: Bocche mutte!
Pe mì và tutto ben, s'a l'é fugassa.
Dommo a Milan, Venezia con San Marco,Lanterna a Zena, Savonn-a a Campanassa,San Remmo o zeugo, a Spezza l'Arsenàe mi in scio stemma veuggio 'na fugassa.
Mi son sentimentale, me commeuvos'à l'é co-a çioula, e brindo con vinassasa l'ha o formaggio, e me ghe perdo appreuvo ...all'amiga, a compagna, a tì: fugassa
"E' più forte di me", mi me-o confesso!
Scioa, co-o crocco e co-a sà a man bassa ...l'oexin ben vunto, o mezo bello spesso.
O mae Micché a l'é lé: Santa Fugassa.
O mà o m'incanta, o segge bollezumme,faet de moixi o ciatto pe-a bonassa;anche se a votte o sà de refrescumme(a spussa dell'erzillio), ma a fugassa!
"Il grattacielo? è bello da vedere";e De Ferrari? 'na gran bella ciassa;Suaja, Cannetto, Righi, Belvedere ...(a spussa dell'erzillio), ma a fugassa!
Me l'asseunno de neutte e poi m'adescioche perdo e bave comme 'na lumassa.
Chi ha coraggio me digghe che son nescio,mi ghe diggo de scì ... e tetto fugassa.
"E vi dirò di più, fo paragoni"con l'amigo do tacco ch'o strombassa,quello ch'o fa le pizza e i cannelloni.
Duxento pizze no fan 'na fugassa.
E se diggo fugassa e diggo tutte,no fasso distinsion tra magra e grassa,co-o formaggio, co-a çioula: Bocche mutte!
Pe mì và tutto ben, s'a l'é fugassa.
Dommo a Milan, Venezia con San Marco,Lanterna a Zena, Savonn-a a Campanassa,San Remmo o zeugo, a Spezza l'Arsenàe mi in scio stemma veuggio 'na fugassa.
Mi son sentimentale, me commeuvos'à l'é co-a çioula, e brindo con vinassasa l'ha o formaggio, e me ghe perdo appreuvo ...all'amiga, a compagna, a tì: fugassa
Pubblicato da unpizzicodisale alle 23:03 0 granidisale
Etichette: ricette genovesi
Iscriviti a:
Post (Atom)